زیادہ مقدار میں کوئی چیز خریدنے پر انعام رکھنا:

سوال:
   کیا فرماتے ہیں علمائے کرام اس مسئلہ کے بارے میں کہ بعض دکانداروں نے آج کل یہ طریقہ اختیار کیا ہے، کہ جو گاہک ہم سے تین عدد سوٹ خریدے گا، اس کو ایک عدد وسوٹ مفت ملے گا، تو کیا خریداروں کے لیے اس مفت سوٹ حاصل کرنے کی نیت سے اس دکاندار سے خریداری کرنا جائز ہے؟
جواب:
   دکاندار کا گاہک کو راغب کرنے کے لیے اور اپنے سیل کو بڑھانے کے لیے کسی خاص مقدار میں کوئی چیز خریدنے پر انعام رکھنا جائز ہے، تاہم خیال رکھنا چاہیے کہ اتنی قیمت پر فروخت کرے جو کہ عام مارکیٹ میں اس قسم کے کپڑوں کی رائج ہو، یعنی انعام کی وجہ سے قیمت میں اضافہ نہ کیا ہو، اور کپڑوں کی ورائٹی بھی ناقص نہ ہو۔

حوالہ جات:
1. الموسوعة الفقهية الكويتية للجنة لعلماء، حرف الألف 15/ 77:
   الأصل إباحة الجائزة على عمل مشروع سواء أكان دينيا أو دنيويا؛ لأنه من باب الحث على فعل الخير والإعانة عليه بالمال وهو من قبيل الهبة.
2. بحوث قضايا فقهية معاصرة لمفتي تقي عثماني، كتاب البيوع، أحكام الجوائز 2/ 158:
   الجوائز على شراء المنتجات: وإن حكم مثل هذه الجوائز أنها تجوز بشروط:الشرط الأول: أن يقع شراء البضاعة بثمن مثله. الشرط الثاني: أن لا تتخذ هذه الجوائز ذريعة لترويج البضاعات المغشوشة. الشرط الثالث: أن يكون المشتري يقصد شراء المنتج للانتفاع به، ولا يشتريه لمجرد ما يتوقع من الحصول على الجائزة.

واللہ أعلم بالصواب
ابوبكراحسان كاكاخیل
متخصص جامعة دارالعلوم كراچی

فتوی نمبر:264
دارالإفتاء أنوار الحرمين، مردان
تاریخ إجراء:2023-12-30

پرنٹ کریں