@123قسم کھا کر بعد میں اس کی خلاف ورزی کرنا

سوال:
   اظہر نے زید کو اپنی زمین کسی کو اجارہ پر دینے کے لیے کہا، ساتھ میں یہ بھی کہا کہ آپ کو کمیشن ملے گا، پس زید نے زمین تیس ہزار(30000) روپے کے عوض اجارہ پر دے دی، اور دونوں کے مابین سات ہزار(7000) روپے کمیشن پر بات طے ہوئی، اس طرح یہ معاملہ تین مہینے جاری رہا، بعد میں مستاجر نے اظہر کو قسم کھانے پر مجبور کیا، کہ آپ کسی کو کمیشن نہیں دیں گے، اور اظہر نے قسم کھائی، اب پوچھنا یہ ہے کہ اظہر زید کو کمیشن دے سکتا ہے یا نہیں، نیز یہ بھی واضح کردے کہ اگر قسم کے بعد اظہر نے کمیشن دے دی، تو شریعت کی رو سے کیا حکم لاگو ہوگا؟
جواب:
   مذکورہ صورت میں جب مستاجر نے اظہر کو قسم کھانے پر مجبور کیا کہ آپ کسی کو کمیشن نہیں دیں گے، اور اظہر نے قسم کھائی تو اظہر زید کو کمیشن نہیں دے سکتا، لہٰذا اگر اظہر نے زید کو کمیشن دے دیا تو وہ اپنی قسم میں حانث ہوجائے گا اور اس پر قسم کا کفارہ بھی لازم آئے گا۔

حوالہ جات:
1. قوله تعالیٰ:
لَا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمُ الْأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلَاثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ. [المائده: 5/ 89]
2. الاختيار لتعليل المختار لعبد الله بن محمود الموصلي، كتاب الأيمان 4/ 50:
قال: ( اليمين بالله تعالى ثلاثة : غموس: وهي الحلف على أمر ماض أو حال يتعمد فيها الكذب فلا كفارة فيها، ولغو : وهي الحلف على أمر يظنه، كما قال وهو بخلافه، فنرجوأن لا يؤاخذه الله بها، ومنعقدة : وهي الحلف على أمر في المستقبل ليفعله أو يتركه ) فإذاحنث، فيها فعليه الكفاره.
2. مختصر القدوري  لأحمد بن محمد، كتاب الأيمان 1/ 209:
الأيمان على ثلاثة أضرب: يمين غموس، ويمين منعقدة، ويمين لغو، واليمين المنعقدة: هي الحلف على الأمر المستقبل أن يفعله أو لا يفعله فإذا حنث في ذلك لزمته الكفارة.

واللہ أعلم بالصواب
ابوبكراحسان كاكاخیل
متخصص جامعة دارالعلوم كراچی

فتوی نمبر:239
دارالإفتاء أنوار الحرمين، مردان
تاریخ إجراء:2023-12-26

پرنٹ کریں