نماز کے آخری وقت میں حیض آنے کی صورت میں نماز کاحکم:

سوال:
   اگر اذان کے بعد کسی عورت کو حیض کا خون آجائے اور نما ز نہ پڑھ سکے، تو کیا اس نماز کی قضاء کرنا اس پر لازم ہے؟ نماز کے آخری وقت میں حیض آنے کی صورت میں
جواب:
   چونکہ نماز کی قضاء ہونے کا تعلق آخری وقت سے ہے اور یہ عورت آخری وقت میں حائضہ ہوگئی، جس کی وجہ سے اس سے یہ نماز ساقط ہوگئی، لہذااس پر اس نماز کی قضا لازم نہیں ہے۔

حوالہ جات:
1. البحر الرائق لابن نجیم، کتاب الطھارۃ، باب الحیض 1/ 356:
    وفي الخلاصة: فإن أدرکھا الحیض في شيء من الوقت، سقطت الصلاۃ عنھا إن افتتحھا.
3. الفتاوى الهندية للجنة العلماء، كتاب الطهارة، الباب السادس في الدماء المختصه بالنساء، ألفصل الرابع في أحكام الحيض والنفاس والإستحاضة 1/ 38:
   إذا حاضت في الوقت، أو نفست سقط فرضه، بقي من الوقت ما یمكن أن تصلي فیه أو لا، ھکذا في الذخیرۃ، لو افتتحت الصلاۃ في آخر الوقت ثم حاضت، لا یلزمھا قضاء ھذہ الصلاۃ .

واللہ أعلم بالصواب
ابوبكراحسان كاكاخیل
متخصص جامعة دارالعلوم كراچی

فتوی نمبر:646
دارالإفتاء أنوار الحرمين، مردان
تاریخ إجراء:2024-02-14